Ambasada e Shteteve të Bashkuara të Amerikës në Kosovë ka reaguar pas vdekjes së ish-senatorit amerikan, Bob Dole.
Në reagimin e ambasadës thuhet se shërbimi i Dole duhet të jetë frymëzim për të gjithë.
“Ndërsa mbajmë zi sot për humbjen e nëpunësit publik të përjetshëm dhe senatorit të lartë të shtetit Bob Dole, kujtojmë kontributin e tij të domosdoshëm në Kosovë dhe punën e tij për avancimin e lirive demokratike në mbarë botën”.
“Shërbimi i tij le të jetë frymëzim për ne dhe gjeneratat e reja të amerikanëve dhe kosovarëve”, thuhet në reagim.