Ndeshja e Ligës së Kampionëve mes Manchester United dhe Young Boys, e planifikuar për të mërkurën me 8 dhjetor, do të luhet rregullisht në “Old Trafford” pasi autoritetet zvicerane i kanë dhënë leje skuadrës së David Wagner për të shmangur karantinën në kthimin në shtëpi.

Kufizimet e vendosura për shkak të përhapjes së variantit të ri Omicron në fakt do të kishin bërë që Young Boys të respektonin karantinën, përcjell GazetaBlic Sport.

Skuadra zvicerane do të qëndrojë në një karantinë të izoluar për sa kohë do të qëndrojë në Angli, duke shmangur kështu riprogramimin e ndeshjeve të ligës kundër Sion dhe Basel.