Roma u nda në barazim 2-2 ndaj Bodo/Glimt mbrëmë dhe tifozët e Romës duket se po humbasin durimin me José Mourinhon.
“Special One” po kalon një kohë të vështirë në Itali pasi ai mori vetëm një pikë nga dy ndeshje kundër skuadrës norvegjeze dhe tashmë ka humbur katër ndeshje në Serie A këtë sezon, transmeton GazetaBlic Sport.
Mourinho pranoi se lojtarët e tij bëjnë gabime, por e justifikoi barazimin 2-2 me gabimet e arbitrave.
Megjithatë, tifozët e Romës nuk u impresionuan nga performanca dhe rezultati dhe për herë të parë këtë sezon, ata ofenduan ekipin dhe trajnerin.
La Gazzetta dello Sport dhe Il Corriere dello Sport theksojnë se si mbështetësit e Romës po humbasin durimin me trajnerin.
Roma duket se ka të njëjtat probleme si sezonin e kaluar, kur i mungonte qëndrueshmëria, duke e mbyllur sezonin me një përfundim në vendin e shtatë.
/GazetaBlic Sport/
