Të gjesh dashurinë përmes shijes muzikore, këtë bën dhe aplikacioni (dating app) POM (Power of Music).

POM është një aplikacion i ri, novator për takime që përpiqet të përputhë përdoruesit bazuar në shijen e tyre muzikore.

POM përqëndrohet në ‘Fuqinë e Muzikës’ dhe lidhjen midis muzikës dhe marrëdhënieve kuptimplota romantike.

POM është shfaqur në një kohë të përsosur ndërsa Mbretëria e Bashkuar po del ngadalë nga bllokimi, dhe festivalet verore kanë ndezur pasionin e muzikës për shumë individë të rinj.
Me perspektivën për të dëgjuar më në fund përsëri muzikë live, POM është një aplikacion i përsosur për t’u përdorur kur përpiqeni të gjeni personin, që do ju shoqërojë në festivale, bare dhe klube nate. Supozoni se përputheni me dikë që pëlqen grupin tuaj të preferuar, këtë do të bëjë dhe POM.

POM u krijua nga sipërmarrësit e ardhshëm Vihan Patel dhe Vladimir Ignatyev, të cilët u takuan në shkollë. Në Universitet, Vihan vuri re fuqinë që ka muzika te personat. Vihan ka deklaruar se muzika ishte një mjet ‘për të kuptuar emocionet’ dhe lejon për ‘kuptim më të madh të njerëzve të tjerë, dhe natyrisht, partnerëve të mundshëm’.

Ideja transformuese e Vihan-it tejkalon të gjitha stereotipet të cilat lidhin aplikacionet e tjera të takimeve.

Muzika është një atribut i qenësishëm i çdo personi, dhe POM fokusohet në lidhje më të thella, të vërteta për të siguruar takime më të mira. Kjo bëhet nga përdoruesit që lidhin shërbimet e tyre të transmetimit të muzikës si Spotify dhe Apple Music me profilin e tyre.

Algoritmi i POM -it do të analizojë jo vetëm përputhshmërinë muzikore, por edhe psikologjike.

Kjo analizë e përparuar do të përcaktojë një lloj profili emocional për përdoruesit bazuar në muzikën e tij. Për shembull, një përdorues që dëgjon Rap në krahasim me atë që dëgjon Jazz ndoshta do të ketë pajtueshmëri të ndryshme emocionale.

Përgjigja ndaj aplikacionit ka qenë e suksesshme. POM ka fituar 1.5 milion paund në pre-launch.