Humbja tronditëse e Paris Saint-Germain 2-0 ndaj Rennes gjatë fundjavës ka sjellë natyrshëm kritika ndaj skuadrës së Mauricio Pochettino.
Më e keqja se vetëm humbja ishte se PSG e përfundoi lojën pa një goditje të vetme në drejtim të portës. Lionel Messi u afrua më së shumti teksa goditi traversën me një goditje të lirë, përcjell GazetaBlic Sport.
“Pranimi i një goli si i dyti dhemb,” tha Mauricio Pochettino pas lojës, me PSG që kishte pranuar gol pak para dhe pas pjesës së parë.
Messi nuk ishte në gjendje të tregonte klasën e tij, as Neymar, Kylian Mbappe, as Angel Di Maria.
Neymar kishte më shumë kritika se pjesa tjetër. L’Equipe shkroi se braziliani është larg lojtarit që ishte me Barcelonën pesë apo gjashtë vjet më parë apo edhe me PSG gjatë verës së vitit 2020.
Neymar ka shënuar vetëm dy nga 41 goditjet e tij të fundit në portë, dhe ai nuk po kalon kohën më të mirë. Mediat franceze po tregojnë me gisht shfaqjet e tij, dhe po kërkojnë përgjigje për problemet.
Le Parisien gjithashtu u tregua i fortë me ish -sulmuesin e Barcelonës, duke e akuzuar atë si teknikisht humbës dhe se nuk kishte saktësi. Gjithashtu tregon se Neymar ishte një hije e vetes dhe se është ndër më të dobëtit tek kjo skuadër.
/GazetaBlic
