Arben Vitia, ministër i Shëndetësisë para gazetarëve ka folur edhe për fushatën zgjedhore.

Sipas tij, edhe në fushatë zgjedhore në ambiente të mbyllura duhet dëshmi për vaksinim.

“Sa i përket fushatës zgjedhore, shfrytëzoj rastin të bëjë thirrje që të gjithë të respektojnë masat, që të jenë 20 persona në ambiente të mbyllura dhe 50 persona në ambiente të hapura. Nga këto masa që i kemi marrë është që të gjithë ata që marrin pjesë në fushatën e brendshme duhet të jenë të vaksinuar ose duhet të kenë teste real-time ose testin PCR në 72 orët e fundit”, ka thënë ai.

“Jemi në një fushatë zgjedhore, mirëpo mendoj se të gjitha subjektet nuk janë kundër të respektohen masat”, ka shtuar tutje ministri i Shëndetësisë.