Telefonat celularë kanë aftësinë që të nxitin sjellje të rrezikshme dhe varësi tek njeriu, shkruan AW.
Kjo varësi mund të ndikojë shumë në produktivitetin e njeriut, funksionet e trurit, balancën mes jetës dhe punës, por edhe në jetën personale, transmeton lajmi.net.
Ankthi social dhe vetmia janë të lidhura ngushtë me përdorimin e telefonit dhe siç vënë re ekspertët, njerëzit shkruajnë shumë, por flasin pak me njëri-tjetrin.
Shenjat paralajmëruese që tregojnë se jeni të varur ndaj telefonit celular:
Ju zë gjumi me vështirësi
Jeni në ankth
Rrjetet sociale ju stresojnë
Nuk rrini dot pa telefon në dorë
Nuk reshtni dot së postuari
Ju shkruani më shumë mesazhe se sa flisni me të tjerët
Lundroni në internet pa mendje vetëm për të humbur kohën
Nuk rrini pa kontrolluar telefonin edhe kur jeni në makinë.
Nuk dilni dot nga shtëpia pa marrë telefonin me vete
Ndiheni të vetmuar nëse nuk keni telefonin me vete
Ushqeheni me telefon në dorë
Marrëdhëniet shoqërore vuajnë si pasojë e telefonit
Bëni veprime impulsive
Nuk heqni dot dorë nga telefoni
Si të shpëtoni nga varësia ndaj telefonit
Kjo mund të duket e vështirë, por jo e pamundur. Për shembull, një mënyrë e mirë për të kufizuar përdorimin e telefonit pa e ndëshkuar veten në mënyrë drastike është që në shtëpinë tuaj të krijoni zona ku nuk lejohet telefoni.
Dhoma e gjumit, dhoma e ndenjjes apo ajo e ngrënies janë zona ku nuk duhet të përdorni telefonin.
Një mënyrë tjetër është që vendosni disa limite.
Për shembull, nëse e përdorni telefonin shumë gjatë ditës, vendosni një limit kohor, siç mund të jetë ora 17:00 e pasdites kur keni mbaruar punën.
Nëse nuk e përdorni telefonin pas kësaj ore, do të keni më shumë kohë për të bërë gjëra që kanë me të vërtetë rëndësi për ju dhe familjen.
Ne dërgojmë shumë mesazhe, por a angazhohemi me të vërtetë në komunikim të hapur me njerëzit?
Duke lënë telefonin mënjanë, do të keni mundësi të formoni, ngrini dhe ushqeni marrëdhëniet tuaja shoqërore dhe familjare.
Edhe nëse merrni telefonata pune ose mesazhe elektronike, bëjini vetes një nder dhe mos u merrni me të. Telefoni aty do të jetë, edhe të nesërmen.
Avantazhet e kufizimit të përdorimit të telefonit
Sipas ekspertëve, kufizimi i përdorimit të telefonit sjell një sërë përfitimesh.
Do të jeni më në paqe,
Do të vuani më pak nga ankthi
Do të mendoni më qartë
Do të shpërqendroheni më pak
Do të jeni më krijues
Do të ndiheni më shumë fuqiplotë
Do të flini më mirë
Do të keni marrëdhënie shoqërore më të forta
Do të jeni më të ndërgjegjshëm sa i përket ushqyerjes.
Kjo e fundit është shumë e rëndësishme. Nëse ushqehemi duke e pasur mendjen te telefoni, nuk do ta kemi mendjen tek ato që po hamë, duke rritur kështu gjasat e mbipeshës, por edhe sëmundjeve të tjera që i kanosen aparatit tretës.
