Ish-ylli i Milanit, Roberto Donadoni beson se Rossonerët mund të luftojnë për Scudetto dhe tha se lojtarët do të rriten pas sfidave në Ligën e Kampionëve këtë sezon.

Milan përfundoi në vendin e dytë në Serie A në edicionin e kaluar dhe Donadoni beson se lojtarët e trajnerit Stefano Pioli mund të luftojnë për titullin falë vazhdimësisë së menaxhimit në Milanello, përcjell GazetaBlic Sport.

“Milani sigurisht që mund të synojë Scudetton” tha Donadoni për La Gazzetta dello Sport.

“Unë shoh një grup skuadrash shumë të forta që janë të barabarta. Unë nuk shoh se ndonjë nga Milani, Juventusi, Interi, Lazio, Napoli dhe Roma mund të shkëputen nga të tjerët dhe nëse ndonjë prej tyre është shumë më e fortë se tjetra.”

“Milan ndodhet në një grup të vështirë në Ligën e Kampionëve, por do të rriten me këto ndeshje”, përfundoi ai.

/GazetaBlic Sport