Policia e Kosovës ka arrestuar një person gjatë ditës së sotme i dyshuar për dhunë në familje, raporton Gazeta Blic.

E tërë ngjarja është zhvilluar te objekti i Pallatit të Drejtësisë, derisa i dyshuari U.N. kishte tentuar t’iu ikte zyrtarëve policor.

Sipas një njoftimi nga policia, drejtoria rajonale e policisë Prishtinë, ka ndërmarrë të gjitha masat e nevojshme policore për të siguruar rendin dhe qetësinë publike në rajonin e Prishtinës, dhe kjo duke punuar me vendosmëri dhe përkushtim për kapjen e personave që dyshohen të jenë të implikuar në veprimtari kriminale, dokumentimin ligjor të veprimeve të tyre kriminale si dhe vënien e tyre para drejtësisë.

Si rrjedhojë e këtyre angazhimeve, nga hetuesit policor të stacionit të Podujevës, në afërsi të Pallatit të Drejtësisë, përkundër tentativave për ikje, është arrestuar një person i dyshuar.

Personi i dyshuar:

– U. N, mashkull, shtetas i Republikës së Kosovës, ka qenë në kërkim nga ana e policisë, për një rast të dhunës në familje që ka ndodhur me datën 21.08.2021, në fshatin Bervenik të Podujevës.
Sipas policisë i njëjti me rekomandim të prokurorit të shtetit është dërguar në qendrën e mbajtjes, për veprën dhunë në familje.

Policia e Kosovës po e kërkon Sadat Fejzin, me akuzën për dhunim