Mesfushori i Newcastle, Joe Willock ka zbuluar se ai e konsideroi largimin nga rrjetet sociale për shkak të abuzimeve raciste.

Ai zbuloi se merrte abuzim raciste çdo ditë, përcjell GazetaBlic Sport.

Willock thotë se është e vështirë të injorosh abuzimin që ai merr dhe u ka bërë thirrje kompanive të mediave sociale të bëjnë më shumë në luftën kundër racizmit.

“Unë nuk dua ta humbas atë lidhje me mbështetësit e përditshëm,” tha ai për BBC Radio Newcastle.

“Çdo ditë marr mesazhe. Mesazhe që thonë për ngjyrën time ose gjëra të ndryshme që janë të neveritshme, me të vërtetë. Nuk mund të bëni shumë – thjesht duhet të përpiqeni dhe ta injoroni atë. Unë nuk mendoj se Instagram, Facebook dhe Twitter kanë bërë mjaft luftë për këtë gjë”, përfundoi Willock.

/GazetaBlic Sport