Kryetari aktual i Skenderajt Bekim Jashari, ka folur pas dorëheqjes së kandidatit të Vetëvendosjes për kryetar në këtë komunë, Hysni Mehani.
Jashari thënë se orientimi politik i tij vazhdon të mbetet i pavarur, ndërsa vendimi për të kandiduar edhe për një mandat në udhëheqje të Skenderajt, Jashari thotë se e ka marrë bazuar në kërkesat e qytetarëve.
“Tani kur po bëhen publike kandidaturat e partive politike për kryetar të Skenderajt, deklaroj me sinqeritetin më të madh që as unë dhe as bashkëpunëtorët e mi nuk kemi pasur asnjë takim, asnjë të vetëm, me ndonjë parti politike për të kërkuar mbështetje apo tërheqje të kandidaturave të tyre”, ka shkruar Jashari në llogarinë e tij në Facebook.
Më tej, ai thoë se për asnjë çmim apo rezultat nuk ka pranuar dhe nuk do të pranojë që të kandidojë si i nominuar nga ndonjë parti politike.
“Me 17 tetor do të dëshmojmë që Skenderaj është i bashkuar dhe vizionar për të ardhmen tonë, në jetësim të idealit të dëshmorëve e heronjve për zhvillim ekonomik e mirëqenie për të gjithë”, ka shkruar Jashari.
Sot nga gara për të parin e Skenderajt është tërhequr ish kandidati i VV-së për këtë post, Hysni Mehani.
