Sulmuesi danez Martin Braithwaite nuk hyn në planet e Barcelonës për sezonin e ardhshëm dhe tashmë ka rënë dakord të transferohet këtë verë, sipas gazetës katalanase Sport.

Barcelona ka disa propozime në tavolinë, por synon të arrijë 15 milion euro për transferimin, duke llogaritur në vlerën që sulmuesi kishte gjatë Euro-2020, një kompeticion në të cilin ai arriti në gjysmëfinale me ekipin kombëtar të vendit të tij, përcjell GazetaBlic Sport.

Braithwaite, 30 vjeç, u nënshkrua nga Barcelona për 18 milion euro në shkurt 2020, nga Leganés.

Ai mori pjesë në 53 ndeshje dhe shënoi tetë gola.

/GazetaBlic Sport/