“Mision i pamundur”, kjo është mënyra se si një burim i Dortmund i përgjigjet Sky Sports në lidhje me largimin e mundshëm të Erling Haaland nga klubi, i cili sapo ka refuzuar një propozim të Chelsea për sulmuesin norvegjez.

Sky German zbuloi se Chelsea bëri një ofertë dhe një shumë të madhe parash (shuma nuk u bë e ditur), e cila përfshinte gjithashtu Tammy Abraham dhe Callum Hudson-Odoi që ata do të bënin rrugën e kundërt me Haaland, përcjell GazetaBlic Sport.

Një skenar që gjermanët e refuzuan pasi planifikojnë të mbajnë sulmuesin 20-vjeçar për të paktën një sezon tjetër.

“Chelsea po përpiqet, por do të jetë shumë e vështirë. Për momentin duket si një mision i pamundur. Nuk ka gjasa, por nuk do të thotë se nuk do të ndodhë”, tha burimi për Sky Sports.

/GazetaBlic Sport/