Nevojat ushqyese të grave ndryshojnë gjatë ciklit menstrual dhe luhatja e hormoneve nuk është arsyeja e vetme për këtë gjë, shkruan “IconStyle”.

Gratë gjithashtu humbasin minerale thelbësore dhe vitamina nga gjakderdhja. Për të rikthyer këto humbje ekspertët rekomandojnë një dietë të ekuilibruar në përputhje me periodat e tyre, transmeton lajmi.net.

Prandaj, ne përmes këtij artikulli do t’ju vijmë në ndihmë, duke ju treguar ushqimet që duhet të shmangni gjatë periodave:

Qumështi

Duhet të shmangni produktet e qumështit nëse keni dhimbje barku të vazhdueshme. Qumështi përmban laktozë, një lloj specifik i sheqerit që disa njerëz kanë vështirësi në tretjen e tij. Për më tepër, laktoza mund të shkaktojë fryrje, dhimbje në stomak dhe përzierje.

Kafe

Studimet tregojnë se konsumimi i kafes gjatë periodave në të vërtetë mund të rrisë kohëzgjatjen e tyre. Për më tepër, kafeina përshkallëzon sindromën premenstruale. Në rast se ju vuani nga kjo gjë, duhet të shmangni pirjen e kafesë para dhe pas periodave.

Ushqimet pikante

Ushqimet pikante mund t’ju sjellin shqetësime shtesë në stomakun tuaj. Sidoqoftë, nëse zgjidhni me mençuri, disa erëza mund të jenë të dobishme për trupin tuaj gjatë periodave. Për shembull, speci djegës është i famshëm për efektet e tij anti-inflamatore.

Karamelet

Ushqimet tuaja të preferuara mund të përmirësojnë gjendjen shpirtërore, por ato gjithashtu kontribuojnë në fryrjen dhe pezmatimin për shkak të sasisë së sheqerit të rafinuar që ato përmbajnë. Trupi juaj tashmë po kalon probleme të mjaftueshme për të humbur gjakun dhe mineralet jetike.