Trajneri i Leeds United, Marcelo Bielsa është afër që të rinovojë kontratën tek skuadra e tij.

65 vjeçari pritet të nënshkruajë kontratën që do ta mbajë atë në “Elland Road” deri në vitin 2023, shkruan GazetaBlic Sport.

Bielsa ka arritur sukses historik me skuadrën e Leeds duke arritur ta promovojë skuadrën e tij në Premierligë pas 17 vitesh.

“Arsyeja që po vonohem të nënshkruajë kontratën nuk është sepse nuk dëshiroj të jem pjesë e këtij klubi, jemi duke negociuar kushtet personale” , deklaroi Bielsa për Sky Sports.

Leeds United është në rrugë të mirë që të qëndrojë edhe një edicion tjetër në Premierligë, pasi gjendet në vendin e 9’të me 45 pikë madje edhe mbi skuadra të njohura si Arsenal dhe Aston Villa.

/GazetaBlic Sport.