E bardha e vezës: Vezët kanë shumë proteina, kështu që ngrënia e vezëve rregullisht mund t’i mbajë flokët tuaj të shëndetshëm, shkruan “BrightSide”.

Përdorimi i vezëve si maskë mund të ndihmojë gjithashtu në parandalimin e rënies së flokëve dhe thyerjen e tyre, riparimin e flokëve të dëmtuar dhe nxitjen e rritjes. Ju mund të aplikoni të bardhat e vezëve në flokët tuaj vetëm ose në kombinim me përbërës të tjerë, transmeton lajmi.net.

Merrni 2 vezë. Ndani të bardhat e vezëve nga të verdhat, do t’ju duhen vetëm të bardhat.

Shtoni 2 lugë vaj kokosi.

Përzieni të gjithë përbërësit së bashku dhe vendosini ato në flokë të lagur.

Mbani maskën për 20 minuta dhe më pas lajeni me ujë të freskët.

Aloe vera : është përdorur me shekuj për shkak të efekteve pozitive që mund të ketë në shëndetin dhe pamjen tuaj. Mund të jetë veçanërisht e mirë për flokë të yndyrshëm, kaçurrelë ose të brishtë dhe të thatë. Aloe vera mund t’i bëjë flokët tuaj më të forta dhe të zvogëlojë humbjen e tyre. Ja se si ta përdorni si maskë:

Merrni 2 lugë aloe vera.

Shtoni 1 lugë gjelle vaj ulliri.

Përzieni përbërësit së bashku dhe aplikojeni në flokët tuaj, duke filluar nga mesi i flokëvedhe duke zbritur poshtë. Pastaj aplikojeni atë në lëkurën e kokës.

Mbani maskën për 30 minuta dhe më pas lani flokët.

Avokadot kanë vajra natyralë, acide të yndyrave të shëndetshme, vitamina dhe minerale që mund të ushqejnë flokët tuaj dhe parandalojnë thyerjen e tyre. Mund të jetë veçanërisht e dobishme për flokët e dehidratuar.

1 avokado.

Shtoni 1 lugë vaj rozmarine dhe 1 lugë gjelle vaj kokosi.

Në një tas tjetër,përzieni 1 të verdhë veze.

Përzieni të gjithë përbërësit së bashku dhe aplikojeni në flokët tuaj.

Lëreni maskën për 10 deri në 20 minuta, dhe më pas lani flokët.