Megjithëse disa produkte mund të bashkohen shumë mirë, ato në fakt nuk mund të bashkëjetojnë kur bëhet fjalë për ruajtjen.
Disa ushqime lëshojnë etilen, i cili është një gaz që i pjek prodhimet tjera para kohe. Ka edhe produkte që janë të ndjeshme ndaj gazit dhe mund të dëmtohen më shpejt nëse ekspozohen ndaj tij. Kjo është arsyeja pse disa ushqime duhet të shmangin njëra-tjetrën me çdo kusht (përveç nëse dëshironi t’i piqni më shpejt).
Në listën e mëposhtme ju shpjegojmë se cilat fruta dhe perime bëjnë “miq të mirë” mes vete dhe cilat duhet të qëndrojnë larg njëri-tjetrit.
Mollët dhe karotat
Mollët prodhojnë shumë etilen, prandaj duhet të keni kujdes kur i ruani me ushqime të tjera. Mos i vendosni mollët veçanërisht pranë karotave, përndryshe karotat do të kenë një shije të hidhur pas vetëm 2 javësh.
Kastravecët dhe domatet
Kastravecët janë shumë të ndjeshme ndaj etilenit. Është më mirë të mos i ruani me domate, megjithëse ato bëjnë një palë perfekte në një sallatë. Kastravecët do të fillojnë të zverdhen më herët se sa duhet. Është më mirë t’i ruani në frigorifer dhe domatet në banak.
Qepë dhe patate
Qepët thithin lagështinë shpejt, por duhet të qëndrojnë të thata, dhe patatet lëshojnë shumë lagështi, kështu që ato nuk mund të bashkëjetojnë në këtë betejë. Me kalimin e kohës, patatet rrisin rrënjë dhe qepët prodhojnë fidane jeshile.
Banane dhe avokado
Është e ndërlikuar dhe varet nga qëllimet tuaja. Nëse avokadoja juaj është shumë e pjekur, atëherë mbajeni larg bananeve. Megjithatë, nëse dëshironi që ajo të piqet më shpejt, atëherë mund të vendosni me siguri një avokado të papjekur në një qese letre dhe ta ruani pranë bananeve.
Pjeshkë dhe banane
Pjeshkat e pjekura duhet të qëndrojnë larg bananeve pasi i gjithë etileni i emetuar nga bananet do të bëjë që pjeshkat të piqen më shpejt se zakonisht. Sa më e pjekur të jetë një banane, aq më shumë gaz do të lirohet.
Patëllxhanë dhe pjepër
Pjepri mund të bëjë që patëllxhanët të prishen më shpejt. Prandaj sigurohuni që të mos i ruani në dollap së bashku me pjepër. Megjithatë, nëse doni t’i ruani patëllxhanët në frigorifer, është më mirë t’i mbani larg çdo fruti.
Rrushi dhe mango
Rrushi është shumë “i brishtë dhe delikat” kur bëhet fjalë për ruajtjen e tij. Nuk toleron asnjë frut ose perime tjetër aty pranë. Mangot lëshojnë shumë gaz etilen dhe procesi i pjekjes dhe kalbjes ndodh më shpejt. Përveç kësaj, perimet me erë të fortë janë vetëm shoqërues të tmerrshëm të rrushit, pasi ky i fundit i thith lehtësisht aromat.
Boronicat dhe luleshtrydhet
Boronicat janë klimakterike (emetojnë etilen), dhe luleshtrydhet janë jo-klimakterike. Nëse i ruani së bashku, luleshtrydhet mund të piqen dhe të prishen më herët seç duhet. Është mirë të ruani së bashku luleshtrydhet e papjekura me boronica, megjithatë, nëse të dy llojet e manave janë të pjekura shumë, hajini ato brenda pak ditësh.
Nektarinat dhe lakra
Nektarinat prodhojnë shumë etilen, kështu që nëse i ruani së bashku, lakra do të prishet shpejt. Është më mirë ta ruani lakrën në një qese plastike në frigorifer deri në 2 javë, ndërsa nektarinat mund të ruhen në tasa ose qese plastike.
