Në 24 orët e fundit në vendin tonë janë regjistruar 11 raste të reja.
Kështu, numri total i rasteve në përgjithësi ka shkuar 107 mijë e 269, nga gjithsej 597.019 persona të dyshimtë, përcjell GazetaBlic.
Në anën tjetër, numri i personave që e kanë humbur jetën përballë virusit me kurorë ka shkuar në 2241 sosh.
Më poshtë edhe komunikata e plotë.
258 TË SHËRUAR DHE 11 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.291 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 11 raste pozitive.
Brenda 24 orëve është raportuar vetëm 1 rast i vdekjes me SARS CoV-2 pozitiv. Rasti i vdekjes është nga komuna: Prizren 1 rast (67 vjeç).
Numri total i rasteve pozitive është 107.269 raste nga 597.019 persona të dyshimtë në virusin SARS-CoV-2 dhe 2.241 raste të vdekjes.
Gjatë 24 orëve të fundit, janë shëruar 258 pacientë derisa numri i përgjithshëm i të shëruarve deri më sot është gjithsej 101.725 raste, kurse numri i rasteve aktive është 3.303.
Rastet pozitive janë nga komunat: Drenas 3 raste, Prishtinë 3 raste, Rahovec 2 raste dhe me nga një rast komunat Kaçanik, Skenderaj dhe Viti.
Mbuloni gojën dhe hundën me maskë! Mbani higjienën! Respektoni distancën!
LEXO EDHE:
Diplomati francez: Heqja e vizave për kosovarët mbetet një ëndërr, nuk ndodh as në vitin 2022
/GazetaBlic/
