Të paktën 25 persona raportohet se e kanë humbur jetën pas një shpërthimi në një depo në afërsi të qytetit Chittagong në Bangladesh.

Po ashtu raportohet se qindra persona janë lënduar nga ky shpërthim.

Shkaku i zjarrit mbetet i panjohur, raporton BBC.

Sipas mediave lokale nga kontejnerët në depo besohet të kenë pasur kimikate.

Shpërthimi thuhet se theu xhamat e disa ndërtesave aty pranë dhe u ndje nga zona deri në 4 kilometra larg.