Kryetari i PDK-së, Memli Krasniqi, ka qëndruar sot në Shtime, ku me kryetarin Naim Ismajli vizituan bizneset në Zonën Industriale në Shtime.

Në një postim në Facebook, Krasniqi thotë se prioritet i programit të Partisë Demokratike të Kosovës në Shtime, do të jetë zhvillimi ekonomik i kësaj komune, duke u angazhuar në krijimin e zonave të tjera biznesore, për ta përmirësuar edhe më tej cilësinë e jetës këtu.

“Transformimi i Shtimes në qytezë moderne dhe përmirësimi i mirëqenies në këtë komunë janë rezultat i qeverisjes shembullore të Naim Ismajlit dhe PDK-së. Për këtë arsye qytetarët e Shtimes, pa dallim, do të bëhen bashkë më 14 nëntor për të na e besuar edhe një mandat në këtë komunë, që kryetari Ismajli të vazhdojë qeverisjen e mirë si deri tani”.