Klinika Emergjente ka njoftuar se në 24 orët e fundit ka pranuar 230 pacientë, raporton Gazeta Blic.

Përmes një postimi në Facebook, thuhet se na ky numër, 11 kanë qenë nga aksidentet, derisa është njoftuar se janë kryer 2 operacione emergjente në sallat e operacionit dhe 14 intervenime në sallën e vogël të intervenimeve.

Njoftimi i plotë:

Klinika Emergjente, 230 pacientë për 24-orë.

Klinika Emergjente e Qendrës Klinike Universitare të Kosovës vazhdon të mbetet klinika më e ngarkuar me pacientë.

Bazuar në raportin zyrtar, vetëm në 24-orët e fundit në këtë klinikë ndihmë mjekësore kanë marrë 230 pacientë, ku 22 prej tyre janë pranuar për trajtim të mëtejmë mjekësor në kuadër të klinikave kirurgjike, internistike dhe Mjekim Intensiv Qendror.

Nga numri i përgjithshëm i rasteve, 11 pacientë kanë qenë të aksidentuar në trafik. Janë kryer 2 operacione emergjente në sallat e operacionit dhe 14 intervenime në sallën e vogël të intervenimeve.