Pasditen e kësaj të shtune një person ka vdekur pasi ka rënë në një humnerë në Prevallë.
Klan Kosova mëson se viktima ishte 24 vjeçar dhe ishte nga një fshat i komunës së Kaçanikut.
Policia e Prizrenit bën të ditur se ende nuk dihen shkaqet që quan deri tek kjo ngjarje tragjike teksa hetimet janë duke vazhduar.
“Telefonatën e parë e kishim pranuar në ora 14:35, menjëherë kemi dalë në vendin e ngjarjes.
Rreth orës 18:45 e kemi pranuar informacionin nga mjeku kujdestar që ka qenë në vendin e ngjarjes se viktima ishte pa shenja jete”, ka thënë Shaban Osmanollaj, zëdhënës për media në Drejtorinë Rajonale të Policisë në Prizren.
