Presidenti ukrainas Volodymyr Zelensky tha se 10 raketa ruse goditën “objektivat civile” në qytetin jugor të Mykolaiv të mërkurën, duke vrarë të paktën pesë persona.

“Sulmi dëshmon absolutisht për të gjithë botën se presioni ndaj Rusisë nuk është i mjaftueshëm”, tha Zelensky në fjalimin e tij të natës.

“Ka pasur edhe sulme në Ochakiv, Dnipro, granatimet ruse në rajonin e Kharkiv, rajonit Sumy, Donbas”.

Zelensky tha gjithashtu se situata në Lysychansk, Avdiivka “mbetet jashtëzakonisht brutale dhe shumë e vështirë”.

“Ne po bëjmë gjithçka që mundemi për t’i siguruar ushtrisë sonë sisteme moderne artilerie për t’iu përgjigjur siç duhet pushtuesve”, tha ai.

Kryetari i bashkisë së Mykolaiv, Oleksandr Sienkevych, të mërkurën tha se kishte “vetëm 18 ditë” që nga fillimi i pushtimit që qyteti jugor ukrainas nuk u qëllua me raketa ose predha.

“Më shumë se 114 banorë kishin vdekur për shkak të sulmeve ruse në atë kohë”, tha ai.

Nuk ishte e qartë nëse ky numër përfshin të gjitha viktimat e përmendura nga Zelensky.