Lajme

​Hungari: Deri në fund të prillit, më shumë se katër milionë njerëz do të jenë vaksinuar

04/08/2021 15:53
nga:M K

Hungaria pret të ketë më shumë se katër milionë njerëz të vaksinuar deri në fund të muajit dhe të zbusë më tej masat e bllokimit në pesë ose gjashtë ditë, kur vaksinon tre milionë njerëz kundër COVID-19, tha sot shefi i Zyrës së kryeministrit hungarez Gergely Gulyas.

Ai tha në një konferencë për shtyp se 2.6 milionë njerëz kanë marrë të paktën një dozë të vaksinës së koronavirusit deri më tani, raporton Reuters.

Hungaria filloi një rihapje graduale të dyqaneve dhe sektorit të shërbimeve të mërkurën, pasi vaksinoi 25 për qind të popullsisë së saj prej 10 milionë.

Gulyas njoftoi se shkollat, siç është planifikuar, do të fillojnë të punojnë më 19 prill, pasi nuk ka rreziqe serioze në lidhje me rihapjen e tyre.

Ai shtoi se qeveria po planifikon gjithashtu të hapë ngjarje sportive për spektatorët që kanë karta për vaksinimin kundër COVID-19.

LEXO EDHE:

Vjen edhe deklarata e xhaxhait të Konjufcës që u emërua këshilltar i ministrit të Mbrojtjes: Edhe na kemi nevojë të jetojmë