Lajme

Zyrtarja e LDK-së: Agim Veliun me shkarku a? Kush more?

03/18/2020 13:53
nga:Gazeta Blic

Shkarkimi i Agim Veliut nga posti i Ministrit të Punëve të brendshme nga kryeministri Albin Kurti ka nxitur reagime të shumta.

Pas Isa Mustafës ka reaguar edhe një zyrtare e Lidhjes Demokratike të Kosovës, shkruan Gazeta Blic.

Është Jeta Rafuna e LDK-së e cila ka shkruar se kush mund ta shkarkoj Veliun.

“Agim Veliun me shkarku a? Kush more?”, ka shkruar ajo.

Pas shkarimit të Veliut ka reaguar edhe lideri i LDK-së, Isa Mustafa.

Kryetari i LDK-së Isa Mustafa, përmes një statusi në facebook, sërish ka shprehur mospajtimin e tij me vendimin e kryeministrit Albin Kurti për shkarkimin e Ministrit të Punëve të Brendshme dhe Adminstratës Publike, Agim Veliu.

Mustafa ka thënë se për një vendim të tillë nuk ishte konsultuar nga Kurti, ani pse në bazë të marrëveshjes së koalicionit qeveritarë, një gjë e tillë ishte e specifikuar.

“Për mua dhe LDK-në është i papranueshëm shkarkimi i Ministrit të Punëve të Brendshme dhe Administratës Publike, z. Agim Veliu.Kjo është shkelje e Marrëveshjes së koalicionit. Me marrëveshje kemi përcaktuar se ministrat mund të shkarkohen nga Kryeministri në konsultim me Kryetarin e subjektit politik me të cilin është bërë koalicioni, bazuar në një arsyetim që e pranon Kryetari i LDK-së”, ka shkruar Mustafa.

Mustafa tutje i ka kërkuar Kurtit që të anuloj vendimin dhe se arsyetimet e Kurtit për shkarkimin e Veliut, nuk i pranon dhe po ashtu te bej heqjen e takses.

“Kërkoj nga Kryeministri të anuloj vendimin për shkarkimin e z. Veliu dhe të merr vendim per heqjen e taksës deri në fund të javës.

Veprimet e njëanshme të Kryeministrit janë të dëmshme dhe të papranueshme dhe qojnë në prishje të koalicionit. IM”, ka përfunduar Mustafa.

Isa Mustafa- Albin Kurtit: Ktheje në detyrë Veliun dhe hiqe taksën, ose po e prishim koalicionin

06/08/2020 19:36

Veliu riaktivizon Planin e Reagimit Kombëtar