Sporti

Zyrtare: Llapi transferon mesfushorin e njohur

06/12/2019 14:32
nga:Lorik J

Skuadra e Llapit ka vazhduar me përforcimet në merkaton e verës.

Klubi i Tahir Batatinës, Llapi ka transferuar mesfushorin me tipare sulmuese, Kastriot Selmani, shkruan GazetaBlic.

Selmani ka qenë pjesë e Vushtrrisë dhe Kastriotit në Superligën shqiptare dhe gjithashtu u grumbullua në shpresat e kombëtares së Kosovës.

Ja njoftimi i klubit të Llapit për transferimin e Selmanit:

“ZYRTARE: Kastriot Selmani, futbollisti i radhës që i bashkangjitet KF Llapit

Podujevë, 12 qershor 2019 – Futbollisti llapjan, Kastriot Selmani ka nënshkruar kontratë 3 vjeçare me klubin e vendlindjes së tij, Llapin. Gjatë ditës së sotme, Selmani ka kryer prezantimin si futbollist i Llapit.

Kastriot Selmani, 19 vjeç, i gjatë 1.75 m, i lindur më 08.07.1999 në Podujevë. Është mesfushor dhe sulmues krahu, luan me këmbë të majtë. Kategoritë e reja i ka kaluar tek FC Prishtina, përderisa për 6 muaj ishte pjesë e FC Vushtrrisë. Poashtu, Kastrioti ka qenë pjesë e Përfaqësueses së Kosovës në grupmoshat U15, U17 dhe U19.

I dëshirojmë mirëseardhje në klubin e vendlindjes”, shkruhet në njoftim.

/GazetaBlic/