Lajme

Zemaj: Do përkujdesemi për shërbime shëndetësore në Luginë

09/29/2020 18:08
nga:Sh Xh

Ministri i Shëndetësisë, Armend Zemaj tha se Zyra për ofrimin e asistencës për qytetarët e Luginës do ofrojë asistencë në çështjet sociale, arsimore, kulturore dhe ekonomike.

Këto fjalë Zemaj i tha gjatë takimit me kryetarin e KNSh, Ragmi Mustafa, Kryetarin e Bujanocit, Nagip Arifi, kryetaren e PVD-së, dega në Preshevë, znj. Ardita Sinani.

Gjatë takimit u fol për mundësitë e përkrahjes që Kosova mund të ofrojë për qytetarët e Luginës.

Zemaj tha se shqetësimet e qytetarëve të Luginës do përfillen me seriozitet maksimal që përkujdesja shëndetësore mos të mungojë.

Ky është postimi i tij i plotë:

Me kryetarin e KNSh, Ragmi Mustafa, Kryetarin e Bujanocit, Nagip Arifi, kryetaren e PVD-së, dega në Preshevë, znj. Ardita Sinani dhe bashkëpunëtorët, biseduam rreth bashkëpunimit dhe përkrahjes që Kosova mund të ofrojë për qytetarët e Luginës së Preshevës.

Në takim, ceka se i kemi kushtuar kujdes kuotave të specializimeve që i kemi ndarë për mjekët e Luginës, të cilët pas specializimit, do t’u shërbejnë qytetarëve atje.

E vlerësova shumë themelimin e Zyrës për ofrimin e asistencës për qytetarët e Luginës së Preshevës, në kuadër të Zyrës së Kryeministrit, sepse, zyra do të ofroj asistencë në çështjet sociale, arsimore, kulturore dhe ekonomike.

Shqetësimi i qytetarëve të Luginës, potencova në takim, do të përfillet me seriozitet maksimal që përkujdesja shëndetësore në komunat e Luginës së Preshevës të mos të mungojë.

Po ashtu, do të ofrojmë mbështetje me mjete mbrojtëse për qytetarët e Luginës së Preshevës, për mbrojtje nga virusi covid 19.

Së bashku, për Luginën e Preshevës!

Me kryetarin e KNSh, Ragmi Mustafa, Kryetarin e Bujanocit, Nagip Arifi, kryetaren e PVD-së, dega në Preshevë, znj….

Publiée par Armend Zemaj sur Mardi 29 septembre 2020

11/21/2020 19:08

Zemaj e pranon se kufizimet e qeverisë s’po kryejnë punë: Rastet dhe viktimat po shtohen