“Big Brother VIP 3” ka nisur përgatitjet dhe po përfliten disa emra që mund t’i shohim brenda shtëpisë. Nga ana tjetër publiku është kurioz edhe për opinionistët. Arbër Hajdari ka deklaruar se nuk do jetë më në rolin e opinionistit këtë sezon ndërsa Zhaklin Lekatari në një interviste për “Pushime On Top”, është shprehur se pavarësisht se ka qenë një ‘luftë’ në vetvete, të pasurit këtë pozicion në BBV, e ka rritur profesionalisht.
Gjatë intervistës asaj iu bë e ditur se lart e poshtë po përflitet se moderatorja Eva Murati mund të jetë opinionistja në sezonin e ardhshëm. Zhaklina tha se nëse duan atë, asaj i bëhet qejfi.
Eni Shehu: “Do ta pranoje sërish po të të vinte ftesa?”
Zhaklin Lekatari: “Po, pse jo!”
Eni Shehu: “Pasi dhe vetë ajo e shprehu si dëshirë, qarkullon edhe emri i Eva Muratit, për të qenë opinioniste në sezonin e ardhshëm…”
Zhaklin Lekatari: “Po shumë mirë, nëse duan Eva Muratin le ta mbajnë, mua gjithsesi më bëhet qejfi…”
Lei Kraja: “Sa diplomate je…”
Eni Shehu: “Po me Arbër Hajdarin ke komunikuar lidhur me vendimin e tij?”
Zhaklin Lekatari: “Nuk e di nëse vazhdon të mbajë të njëjtin qëndrim akoma apo jo. E kuptoj që mund të jenë shumë gjëra që kanë ndikuar; punët, presioni… Unë gjithsesi e respektoj; me Arbrin kam patur dhe vazhdojmë të kemi një raport shumë të mirë”
