Lajme

Weber: Parlamenti i BE-së duhet të ketë vetëm një seli qendrore

04/28/2019 19:27
nga:A. R.

Parlamenti Europian duhet të zgjedhë mes njërës prej dy selive qendrore në Bruksel dhe Strasburg, sipas njërit prej kandidatëve pretendentë në zgjedhjet e ardhshme europiane, politikani gjerman, Manfred Weber.

Në një intervistë për Grupin Mediatik “Funke”, Weber hyri në një debat të vjetër brenda BE-së mbi faktin që parlamenti kalon shumicën e kohës në Bruksel, Belgjikë, por zhvillon sesionet plenare mujore në qytetin francez të Strasburgut.

Ai u shpreh se e kupton përse kostot e larta për të pasur dy qendra mërzisin shumë persona.

“Parlamenti Europian duhet të ketë të drejtën që të zgjedhë në mënyrë të pavarur se si do të organizojë punën e tij dhe nëse selia qendrore do të jetë në Strasburg apo Bruksel”, theksoi kandidati i qendrës së djathtë, Partia Popullore Europian, në këtë intervistë.

Strasburgu është selia zyrtare e Parlamentit, por komisionet mblidhen në në Bruksel. Ndërsa sekretariati, që mbështet punën e Parlamentit, e ka qendrën në Luksemburg.

10/28/2019 13:50

Rama pesimist se BE-ja mund ta zgjidh konfliktin Kosovë-Serbi