Lajme

Vuçiq ankohet sërish për Kosovën

05/10/2018 19:13
nga:A. R.

Presidenti i Serbisë, Aleksander Vuçiq, është takuar sot me homologun e tij qipriot, Nikos Anastasijadis, me të cilin kanë biseduar edhe për normalizimin e raporteve mes Prishtinës dhe Beogradit.

Pas takimit, në një konferencë për media Vuçiq deklaroi se Serbia sipas tij është e përkushtuar në kultivimin e marrëdhënieve sa më të mira me të gjitha shtetet, por siç thotë ai shteti i tij do të respektojë dhe vlerësojë vetëm ato vende të cilat ishin përkrah Serbisë në momente të vështira, transmeton lajmi.net.

“Askush nuk do të mund të flas me Serbinë në gjuhën e shantazhit, kërcënimeve dhe ultimatumit, asnjë bazë në të drejtën ndërkombëtare publike nuk parashikon që ne duhet të pranojmë atë që është në interes ekskluziv për shqiptarët”, ka deklaruar Vuçiq.

Madje sipas Vuçiqit, presidenti qipriot dhe shteti i tij është i vetmi që e kupton situatën e Serbisë dhe e përkrah atë në ruajtjen e sovranitetit të vendit dhe në integrimet evropiane.

“Ne do të vazhdojmë rrugën tonë, dhe them se do të jetë e vështirë, sepse aty është kapitulli 35 për Kosovën, dhe kjo është shqetësuese, asnjë shtet tjetër nuk e ka pasur këtë kusht, por gjithsesi shpresoj do të gjejmë zgjidhje edhe në këtë aspekt.”

Ndryshe, Qipro është njëri nga pesë shtetet e BE-së i cili nuk e ka njohur ende pavarësinë e Kosovës, së bashku me Spanjën, Greqinë, Rumaninë dhe Sllovakinë

Ndryshe kohë më parë Presidenti Vučić  kishte bërë  thirrje për dialog për Kosovën dhe për “pajtim historik me shqiptarët”.

Për këtë, disa e brohorasin si vizioner, ndërsa kritikët dyshojnë për një manovër taktike.

Por qasja e tij ndaj Kosovës ndryshon kohë pas kohe.

Ai në muajt e fundit ka ashpërsuar  gjuhën ndaj shtetit të Kosovës.

 

 

 

 

09/17/2019 00:51

Pacolli e krahason Enver Hoxhajn me Ivica Daçiqin