Mbrëmjen e djeshme Deçani u trondit nga një akt kriminal ku mbetën të vdekur tre persona.
Si pasojë e të shtënave me armë zjarri në drejtim të një autobusi me nxënës, humbi jetën shoferi dhe dy nxënës.
Në lidhje me këtë ngjarje janë deklaruar sot edhe Ministri i Punëve të Brendshme, Xhelal Sveçla dhe Drejtori i Policisë Samedin Mehmetaj.
Mehmataj në deklaratën e tij para mediave tha se në lidhje me këtë ngjarje mund të ketë më shumë se një të dyshuar.
Ai përjashtoi mundësinë e një sulmi të mundshëm terrorist në këtë rast.
Në lidhje me këtë akt kriminal ka folur për “Gazeta Blic” edhe njohësi i çështjeve të sigurisë, Drizan Shala.
Ai tha se në momentin kur shteti ofron para për të bashkëpunuar në kapjen e autorit të ngjarjes, atëherë kjo është faza kur shteti nuk ka kapacitete për të kapur autorin dhe kërkon ndihmën e qytetarëve.
“Në rend të parë duhet pritur hetimet dhe rezultatet e tyre të para e që në rastin tonë pas 78 oresh duhet të indentifikohet kryesi i mundëshem i aktit makaber dhe nëse nuk mund të gjindet personi atëhere të publikohet fotoja e dyshuarit.Ndersa në lidhje me ofrimin e parasë për të kapur kryesin kjo është faza ku shteti nuk ka kapacitete për të kapur dhe kerkon ndihmen e qytetareve përmese shpërblimit financiar për informacion”
“Por institucionet tona kanë gjitha kapacitet pët të oferuar profesionalizëm që hetimi për të kapur personin e dyshuar të behet shpejt” deklaroi Shala për “Gazeta Blic”
Kryetari i komunës së Deçanit, Bashkim Ramosaj, por edhe shumë akterë të tjerë kanë kërkuar bashkëpunimin e qytetarëve në identifikimin dhe kapjen e autorit të kësaj ngjarje.
Këshilli për Mbrojtjen e të Drejtave dhe Lirive të Njeriut e ka dënuar sulmin me armë zjarri në Deçan ku vdiqën tre persona dhe kanë kërkuar zbardhjen e plotë të rastit.
/Gazeta Blic/
Daut Haradinaj: Autorët e ngjarjes në Gllogjan meritojnë ndëshkimin më të ashpër ligjor!
Ndizen qirinj në Deçan në nderim të viktimave të sulmit të mbrëmshëm në Gllogjan
