Lajme

Vlerësimi i Ganimete Musliut për Qeverinë Hoti: Është një qeveri e zorit

06/09/2020 00:08
nga:Gazeta Blic

Deputetja e Partisë Demokratike e Kosovës Ganimete Musliu, ka folur lidhur me akuzat e Lëvizjes Vetëvendosje se Partia Demokratike po e përkrah Lidhjen Demokratike të Kosovës, për t’i votuar ligjet.

Musliu në Edicionin Special të Klan Kosovës akp tha se tanimë PDKështë dërguar në opozitë nga votuesit.

“Pozicioni i Partisë Demokratike të Kosovës është i qartë që nga 6 tetori. PDK është parti opozitare që nuk bën pazare. Votuesi na ka qit në opozitë. Më së paku i takon Vetëvendosjes të hedh aktakuza, sepse secili dështim në këtë kohë i takon atyre që nuk janë treguar të gatshëm të qeverisin”.

“PDK e njeh shumë mirë rolin e opozitarit. Ne nuk kemi vija të kuqe. Partitë e tjera na kanë gozhduar neve. Partia Demokratike e Kosovës, nuk ka vend për bashkëpunim me ata që e duan dhunën.Unë konsideroj që partia jonë e ka Grupin Parlamentar më të përgatiturin”.

Deputetja e Partisë Demokratike theksoi se Qeveria aktuale e udhëhequr nga kryeministri Avdullah Hoti, është një qeveri e zorit për shkak të votave.

“Është herët që të flitet. Ndoshta sot ishte dashur të flitet për qeverinë Haradinaj. Sepse fatkeqësisht për tre vjet i kemi ndërruar tre kryeministra. Qeveria Hoti është qeveri e zorit për shkak të votave. Kjo qeveri do të ketë të vështirë të ulë gjakrat. Kjo qeveri po i riparon dëmet e shkaktuar nga Qeveria Kurti. Pritjet e mia janë shumë të vogla duke marrë parasysh përgatitjet e kuadrave të kabinetit”.

Albulena Haxhiu: Gjykata Kushtetuese nuk është institucion që mbron Kushtetutën, ajo arsyeton Thaçin

08/13/2020 15:38

Xhavit Haliti tha se kanë kontakte me LDK për koalicion të ri, vjen reagimi nga deputeti i partisë së Isa Mustafës