Lajme

Vjen edhe reagimi nga BE në lidhje me ndalimin e vizitës së zyrtarëve serbë në Kosovë

03/26/2018 15:40
nga:Gazeta Blic

Institucionet e Kosovës nuk kanë lejuar vizitat e paralajmëruara për sot të zyrtarëve serbë në veri të vendit, mirëpo zyrtarët serbë megjithatë kanë paralajmëruar qëndrimin e tyre në Kosovë.

Kjo ka bërë që në veri të ketë forca të shtuara të sigurisë me qëllimin ndalimin e hyrjes së zyrtarëve serbë, Vulin, Gjuriq dhe Selakoviq.

Lidhur me këtë situatë të krijuar në mes të Kosovës dhe Serbisë së fundi ka ardhur edhe një reagim nga zëdhënësja e BE-së, Maja Kocijanqiq.

Ajo ka vlerësuar se të gjitha çështjet me interes të përbashkët duhet të zgjidhen përmes kornizës së dialogut dhe në frymën e vazhdimit të normalizimit të marrëdhënieve.

“Ka një marrëveshje të arritur përmes dialogut sa i përket vizitave zyrtare, dhe të dy palët duhet të sillen në përputhje me këtë marrëveshje”, ka vlerësuar Kocijanqiq, përmes një njoftimi dërguar mediave.

Kocijanqiq po ashtu ka shtuar se çdo mosmarrëveshje lidhur me këtë gjë duhet të zgjidhjet përmes dialogut, dhe jo përmes ndonjë eskalimi të çfarëdo lloji.

Këtu ndër tjerash përmendet se presidentët e të dy shteteve i kanë konfirmuar shefes së BE-së, Federica Mogherini, përkushtimin e të dy palëve për normalizimin e tërësishëm të marrëdhënieve.

12/04/2019 17:10

Një delegacion i BE-së takohen me Kurtin, interesohen për rrjedhën e bisedimeve me LDK-në