Kapiteni i Liverpoolit, Virgil van Dijk, tha pas fitores 3-2 ndaj Atletico Madridit se ai dhe shokët e tij të ekipit kanë treguar vazhdimisht se janë të aftë të fitojnë në këtë mënyrë.

“U përpoqëm, vazhduam të bënim presion dhe shënuam një gol për ta bërë rezultatin 3:1. Pësuam barazimin. Nuk ishte e lehtë. E gjetëm përsëri një mënyrë. Ishim të rrezikshëm në goditjet standarde gjithsesi, ata ishin mjaft agresivë, duhet ta them. Jam i lumtur që shënova golin e fitores”, komentoi Van Dijk.

“Ata janë një ekip që nuk dorëzohet kurrë, kanë lojtarë cilësorë që mund të të ndëshkojnë nëse nuk je në vendin tënd, nëse vonohesh pak. Por ne duhet të vazhdojmë dhe të tregojmë qëndrueshmërinë që kemi treguar për shumë vite, dhe ishte një tjetër natë e shkëlqyer evropiane këtu”, shtoi kapiteni i Liverpoolit.

“Mendoj se e kemi treguar shumë herë se jemi të aftë ta bëjmë këtë dhe të fitojmë në këtë mënyrë. Sot pata fatin të shënoja golin e fitores dhe ne po ecim përpara”, shtoi Virgil van Dijk.

/GazetaBlic Sport