Sporti

UFC pritet të ofrojë 1.5 milionë dollarë për një përballje mes Hasbulla dhe Abdu Rozik

11/05/2021 17:06
nga:E K

Rivaliteti mes Hasbulla Magomedov dhe Abdu Rozik mori vëmendjen në Abu Dhabi mbrëmjen e së shtunës, kur dyshja u panë duke u grindur me njëri-tjetrin.

Për kënaqësinë e shumë fansave të Hasbullës në mediat sociale, u konfirmua në fillim të kësaj jave se sensacioni i internetit dagestan, i cili është bërë masiv në TikTok dhe Instagram muajt e fundit, do të ishte i pranishëm në UFC 267, përcjell GazetaBlic Sport.

Muajin e kaluar, presidenti i UFC-së, Dana White, lajmëroi publikun se një takim me Hasbullën do të ndodhte dhe se ai do të ishte i pranishëm së shpejti në UFC.

Në këtë mbrëmje të UFC pati disa duele interesante por vëmendjen kryesore e morri Hasbulla me prezencën e tij që bëri që të gjitha mediat të shkruajnë për të.

Hasbulla për pak sa nuk shkaktoi një sherr me shokun e tij të sensacionit të rrjeteve sociale Abdu Rozik.

 

Dana White i kënaqur pozoi në një foto me rusin e njohur pranë ringut, ndërsa tani synon ta bëjë ‘luftëtar’ në oktogon.

Në fakt, disa ditë pas ngjarjes së së shtunës në Abu Dhabi, promotori i Hasbullës, Asxab Tamaev ka pohuar se White është gati të bëjë një ofertë.

“Miq, ju mirëpresim, para dy ditësh u takuam me Abdu Rozikun, ai është plotësisht gati për betejë”.

“Por, ka një lajm më interesant. Dana është gati të blejë një event me Hasbikun dhe Abdu Rozik për 1.5 milionë dollarë. Unë dua të dëgjoj mendimin tuaj”, ka shkruar ai në Instagram.

/GazetaBlic Sport/

Lajme tjera