Arlind Bushati, djali i ish-kandiatit për kryebashkiak të Shkodrës Xhemal Bushatit, u vra ditën e djeshme në një atentat kundër tij dhe Hamza Licit, gjithashtu viktimë e atentatit.
Por sipas Euronews Albania, Arlind Bushati para tre javësh kishte denoncuar një kërcënim të bërë ndaj tij.
32-vjeçari denoncoi më 11 tetor 2024 në polici se persona të paidentifikuar që qarkullonin me motor i drejtuan armën atij afër një lokali në pedonalen e Shkodrës, ku ka pasur edhe shumë qytetarë të tjerë në lokal, transmeton Klankosova.tv.
Shemsi Prençi, ish-drejtor i policisë tha se nëse policia do kishte bërë punën e saj ajo do të mund të kishte marrë masa dhe të kishte parandaluar atentatin e bërë ditën e djeshme në Dobraç të Shkodrës ku mbetën viktima, Arlind Bushati, Hamza Lici, dhe kalimtarja Flutura Basha ndërsa është ende në gjendje të rëndë bashkëshorti i saj Bashkim Basha.
