Hipertensioni ndryshe po quhet “vrasësi i heshtur”. Nëse nuk trajtohet, ai rrit rrezikun e sulmeve në zemër dhe goditjeve potencialisht fatale dhe gjithashtu mund të shkaktojë dëme të rënda në veshkë.
Kjo ndodh sepse presioni i lartë i gjakut ushtron më shumë presion në zemër duke e bërë atë të pompojë më të fortë. Gjendja mund të menaxhohet mirë me ilaçe, por alternativa më e mirë është të bëni ndryshime në stilin e jetës para se të përdorni ilaçe për presionin e gjakut.
Disa rekomandime falas dhe të lehta për të menaxhuar hipertensionin përfshijnë:
Ulni nivelet e stresit
Stresi vetëm nuk do të shkaktojë sëmundje të zemrës dhe të qarkullimit të gjakut.
Por, sipas Fondacionit Britanik të Zemrës, stresi është i lidhur me zakone të pashëndetshme si pirja e alkoolit, gjumi i dobët dhe ngrënia e tepruar, të cilat nga ana tjetër mund të rrisin rrezikun. Ekspertët rekomandojnë përpjekje për të reduktuar nivelet e stresit duke dëgjuar muzikë qetësuese dhe duke medituar.
Qëndroni brenda kur ndotja është e lartë
Ndotja e ajrit ka qenë e lidhur fort me rritjen e presionit të gjakut – madje edhe tek adoleshentët, “The Sun” transmeton klankosova.tv.
Disa studime kanë gjetur se ajri i ndotur dëmton enët e gjakut duke i bërë ato më të ngushta dhe më të forta, gjë që rrit presionin e gjakut sepse zemra juaj pompon më shpejt për të lëvizur gjakun që nuk mund të rrjedhë siç duhet. Kur nivelet e ndotjes janë të larta, studiuesit thanë se njerëzit duhet të shmangin parqet dhe hapësirat e hapura ku është e mundur dhe larg rrugëve të ngarkuara.
Mos qëndroni ulur për një kohë të gjatë
Mendohet se ulja e tepërt rrit presionin e gjakut për dy arsye. Së pari, qëndrimi ulur për periudha të gjata kohore mund të ngadalësojë metabolizmin duke inkurajuar shtimin në peshë.
Dhe të qenit mbipeshë ose obez mund të rrisë rezistencën në enët e gjakut, duke e bërë më të vështirë rrjedhjen e lirë të gjakut, gjë që çon në presion më të lartë të gjakut, sipas NHS.
Studimet kanë treguar gjithashtu se gjatë qëndrimit ulur, presioni i gjakut i një personi është përgjithësisht më i lartë se kur qëndron në këmbë.
