Lajme

Thaçi i shpreh ngushëllime familjes Paçaku

05/17/2018 14:11
nga:Q F

Presidenti i vendit Hashim Thaçi i ka shprehur ngushëllime familjes së ish deputetit të Kuvendit të Kosovës Kujtim Paçuku për humbjen e tij.

Thaçi përmes një statusi në profilin e tij në facebook ka shkruar se vdekja e parakohshme e Kujtim Paçakut është humbje për familjen, miqtë dhe komunitetin e tij, të cilin e përfaqësoi denjësisht.

“Me pikëllim mora lajmin për vdekjen e ish deputetit të Kuvendit të Kosovës, intelektualit dhe poetit të komunitetit rom, Kujtim Paçaku.

Vdekja e parakohshme e Kujtim Paçakut është humbje për familjen, miqtë dhe komunitetin e tij, të cilin e përfaqësoi denjësisht.

Ngushëllimet më të sinqerta familjes Paçaku”, ka shkruar Thaçi në facebook.

Ish–deputeti i Kuvendit të Kosovës Kujtim Paçaku ndërroi jetë në mëngjesin e kësaj të entje. Varrimi i të ndjerit do të bëhet më 18 maj në kohë dreke në Prizren.
Kortezhi funeral do niset nga rruga Paqja nr 13, Prizren ndërsa Namazi për të ndjerin do të falet në xhaminë e Terzimhallës, thuhet në njoftimin e familjarëve.

Ish-deputeti Kujtim Paçaku la prapa vetes babain, bashkëshorten dhe tre djemtë.

Ish-deputeti rom i Kuvendit të Kosovës, për disa mandate, që të enjten ndërroi jetë në moshën 59-vjeçare, kishte diplomuar në romologji në Universitetin e Sorbonës në Paris.

Por, para se të merret me politikë, ku përfaqësoi komunitetin e tij, për disa vite, sa ishte i ri, Kujtim Paçaku punoi si arsimtar në një shkollë fillore në Suharekë, e më vonë ligjëroi edhe në shkolla verore të organizuara për pjesëtarët e komunitetit rom në Kosovë, pjesë e të cilit ishte.

Pas luftës, Paçaku ishte angazhuar edhe si gazetar në një media multietnike, e më vonë drejtoi edhe një OJQ që mbronte të drejtat e komunitetit. Ai ishte shpallur edhe ambasador i paqes në Ballkan, për këso lloj angazhimi në të drejtat e komunitetit rom dhe komuniteteve tjera pakicë.

Ish-deputeti tashmë i ndjerë u mor edhe me shkrime letrare e poezi, duke botuar edhe libra./GazetaBlic/