Lajme

Thaçi: Çështja e të pagjeturve do të jetë prioritet në Bruksel

11/03/2017 15:05
nga:M H

Presidenti i Kosovës, Hashim Thaçi, tha sot se dialogu në mes të Kosovës dhe Serbisë pritet të marrë një kualitet e dinamikë të shtuar dhe në kuadër të tij të përfshihet edhe çështja e të pagjeturve.

Ai këto komente i bëri gjatë një takimi me përfaqësuesit e shoqatave të familjeve të personave të pagjetur nga komuniteti shqiptar dhe serb, Bajram Çerkini dhe Milorad Trifunoviq, me të cilët ka biseduar për çështjen e personave të pagjetur.

Thaçi u shpreh se çështja e pagjeturve gjithmonë është në agjendën e institucioneve dhe garantoi se institucionet e shtetit të Kosovës do të kërkojnë edhe më me ngulm që të ketë rezultate konkrete në zbardhjen e fatit të të gjithë personave të pagjetur.

Ndërsa, përfaqësuesit e shoqatave të familjeve të personave të pagjetur nga komuniteti shqiptar dhe serb, njoftuan presidentin Thaçi për Qendrën Burimore për të pagjeturit dhe për suksesin e shoqatave në promovimin e dialogut dhe bashkëpunimit në mes të familjeve të të pagjeturve të të gjitha etnive.

11/20/2017 12:36

Gjuriq: Lista Serbe fitues absolut i zgjedhjeve lokale në Kosovë