Analisti politik, Nexhmedin Spahiu ka komentuar fushatën zgjedhore të Lëvizjes Vetëvendosje në Podujevë, ku aty u përdorën edhe fjalë thumbuese e kritika për opozitën.

Spahiu ka deklaruar se Lëvizja Vetëvendosja e ka huqur totalisht fushatën.

“Vetëvendosja e ka huq fushatën komplet. Prej flamurit të himnit e ka huq komplet”, ka thënë Spahiu në “Politiko” me Kushtrim Sadikun.

Spahiu ka thënë se kanë ndryshuar gjeneratat dhe se gjuha e ashpër nuk i shërben më LVV-së, teksa me sarkazëm ka thënë se LDK e ka fushatën mirë, por që duhet t’i paguajë borxhet e fushatës së kaluar.

“LDK po fiton në terren dhe po e ka fushatën më të mirë. Bën mirë që LDK-ja me ia pagu borxhin TV Mitrovicës, 2900 euro i ka mbetë prej fushatës së kalume”, ka thënë me sarkazëm Spahiu.