Lajme

Sot përurohet segmenti i tretë i autoudhës “Arbën Xhaferi”

06/14/2018 07:16
nga:Gazeta Blic

Ministria e Infrastrukturës organizon sot ceremoninë e përurimit të segmentit të tretë (i parafundit) të autoudhës R6 “Arbën Xhaferi”, Prishtinë-Hani i Elezit.

Ceremonia e lëshimit në funksion të segmentit Bibaj-Doganaj do të mbahet nën moton “Jo shpejtësisë, po sigurisë”, fushatë kjo e cila ka për qëllim vetëdijesimin e ngasësve të automjeteve dhe rritjen e sigurisë në trafik.

Ceremonia e përurimit të segmentit të tretë do të mbahet në kyçjen “Doganaj” (Kaçanik), me fillim nga ora 11:00. Pjesëmarrjen në ceremoni e kanë paralajmëruar dhe kryetari i Kuvendit, Kadri Veseli; e kryeministri Ramush Haradinaj.