Lajme

Skener Hyseni jep qëndrimin e tij: Taksa 100 % duhet të hiqet menjëherë, për vendosjen e reciprocitetit duhet kujdes

02/11/2020 22:57
nga:Gazeta Blic

Skënder Hyseni nga LDK ka thënë se vendosja e tarifës 100 përqind ndaj Serbisë ka qenë veprim i mirë në kohën kur është bërë.

Por tash sipas tij situata ka ndryshuar dhe që kjo masë duhet të hiqet nga institucionet e Kosovës.

“Taksa është shndërruar në kauzë të përplasjes së brendshme politike. Shihet qartazi se ka polarizim rreth kësaj teme brenda spektri politik në Kosovë. Kjo e bën taksën të dëmshme, hiç fare tarifën si pengesë për rivendosjen e dialogut me Serbinë që është agjendë amerikane dhe ne nuk kemi asnjë llogari që ne të mos e përkrahim. Ne duhet bëhemi bashkautorë të agjendës amerikane”, ka thënë Hyseni, njofton Klan Kosova.

Hyseni në Zona B të Klan Kosova ka theksuar se edhe masa e paralajmëruar e reciprocitetit duhet të mendohet mirë para se të vihet.

“Taksa duhet të hiqet. Nuk duhet të bëhen improvizime. Do të doja ta dija se çfarë mendohet me reciprocitetin dhe nëse mendohet si një kauzë tjetër që paraqet të njëjtat pengesa, atëherë kjo duhet të mendohet mirë. Të mendohet mirë para se të bëhet hapi i caktuar. Nuk e kam të qartë se çfarë mendohet me reciprocitetin”.

“Reciprocitet ekonomik ka disa rrafshe që mund të zbatohet. Nëse flasim për reciprocitet total, kjo është veç një kauzë e re që e zëvendëson kauzën e vjetër. Reciprocitet total do të thotë njohje e ndërsjellë në mes të Kosovës dhe Serbisë”.

“Taksa duhet të hiqet pa asnjë kushtëzim, por kushtëzimi duhet të vjen nga bashkësia ndërkombëtare ndaj Beogradi. I vetmi kusht i panegociueshëm është që Beogradi të ofroj prova që ka ndërprerë fushatën për tërheqjen e njohjeve dhe kundër njohjeve dhe fushatën kundër anëtarësimit të Kosovës në organizma ndërkombëtarë”.

Hyseni ka thënë se LDK ende nuk ka një vendim të sajin rreth taksës.

“Nuk e kemi trajtuar në strukturat e partisë ende këtë çështje por duhet trajtuar dhe të merret një vendim për taksën – rreth pjesës së taksës”.

Lajmërohet edhe një herë Grenell: Për të pasur investime amerikane në Kosovë, tarifa duhet hequr

03/27/2020 22:12

Gazmend Muhaxheri e thotë që këta janë dy emrat e LDK-së, që mund ta marrin postin e kryeministrit