Lajme

Shpejtim Bulliqi nuk ‘dorëzohet’: Nuk mund të ketë vendosje të njëanshme të gurëve në kufij, kjo s’mund të ndodhë

11/08/2019 23:35
nga:Gazeta Blic

Shpejtim Bulliqi, kryetar i Komisionit Shtetëror për shënjimin dhe mirëmbajtjen e kufirit, ka thënë se çështja e definimit të kufirit mes Kosovës dhe Malit të Zi nuk ka përfunduar.

Në një bisedë në televizionin publik, ai ka theksuar se pa u vendosur gurët në kufij dhe me pajtimin e të dyja palëve, nuk mund të quhet se ka përfunduar demarkimi i kufirit më Malin e Zi.

“Nuk mund të ketë vendosje të njëanshme të gurëve në kufij, kjo s’mund të ndodhë”, ka deklaruar Bulliqi.

Ai tha se Kosova ka mjaft fakte që dëshmojnë se është bërë gabim demarkimi i kufirit, dhe po pret që qeveria e re të ndërmarrë hapa konkretë në mënyrë që të nisë korrigjimi.

“Është një marrëveshje e cila e obligon rishikimin e kufirit”, deklaroi Bulliqi.

Sa u përket akuzave se Bulliqi me kauzën e tij për kufirin e ka lënë Kosovën të izoluar dhe pa liberalizim, ai tha se kjo është e pavërtetë.

“Kufiri s’ka qenë kriter, kjo u dëshmua se Kosova nuk e mori liberalizimin e vizave edhe pas demarkimit. Liberalizimi s’ka ndodhur për shkak se nuk është luftuar korrupsioni”, tha Bulliqi.

Sipas tij, Kosova do të ketë mjaft punë edhe në demakrimin e kufirit me Serbinë, që është vija më e gjatë kufitare. Sipas tij në këtë rast nuk do të duhet të ketë shumë komplikime, dhe tha se Kosova ka mjaftueshëm fakte se ku është vija kufitare.

08/22/2019 21:57

Dikur Eto’o i fesonte golat me të, tani ai është njëri nga lojtarët kryesor të Chelseat