Cool

Shefi i Google-it bën thirrje për rregullore mbi inteligjencën artificiale

01/21/2020 15:24
nga:N S

Sundar Pichai, ka bërë thirrje të hënën për një qasje më të balancuar në rregulloret e inteligjencës artificiale.

Shefi ekzekutiv i kompanisë Google, Sundar Pichai, ka bërë thirrje të hënën për një qasje më të balancuar në rregulloret e inteligjencës artificiale, duke i thënë audiencës evropiane se teknologjia ka përfitime por edhe “pasoja negative”, transmeton Telegrafi.

Ai vjen me komentet e tij në kohën kur ligjvënësit dhe qeveritë janë duke konsideruar seriozisht mënyra për të kufizuar përdorimin e inteligjencës artificiale.

“Nuk kam asnjë dyshim që inteligjenca artificiale duhet të rregullohet. Pyetja është se si t’i qasemi më së miri asaj”, ka thënë mes tjerash Pichai.

Më 2018, Google është zotuar për të mos përdorur inteligjencë artificiale në aplikacionet që lidhen me armë, vëzhgime që shkelin normat ndërkombëtare apo punë që shkelin të drejtat e njeriut.