Trajneri i Argjentinës, Lionel Scaloni është shprehur i lumtur për kalimin në finale.

Kombëtarja e Argjentinës ka fituar ndeshjen ndaj Kroacisë në gjysmëfinale të Kupës së Botës 2022 me rezultatin 3-0, për të kaluar në finalen e madhe, përcjell GazetaBlic Sport.

Scaloni ka theksuar se janë të emocionuar, por potencoi se kanë edhe një hap tjetër për të bërë.

“Festojmë sepse është diçka shumë emocionale, por ka ende një hap. Është një moment për t’u shijuar, por tashmë duhet të mendojmë për atë që do të vijë. Kur humbëm nga Arabia Saudite, njerëzit ishin me ne. Ne ndjejmë mbështetjen e të gjithëve. Të gjithë shikojmë në të njëjtin drejtim. Të gjithë duam të mirën e përbashkët”, tha Scaloni.

/GazetaBlic Sport