Kontrata e Mohamed Salah me Liverpoolin skadon në qershor dhe Reds nuk i kanë ofruar ende rinovim yllit egjiptian, një prej lojtarëve më vendimtar dhe më të rëndësishëm për sukseset e arritura vitet e fundit.

Kështu, ka shumë ekipe të gatshme të interesuara për Salah. Ditët e fundit ka shfaqur interesim nga Paris Saint-Germain, i cili nuk zëvendësoi siç duhet Kylian Mbappé në verë dhe është në kërkim të një kampioni të ri për të vepruar si lider në një ekip plot me të rinj të talentuar.

Nasser Al-Khelaifi, megjithatë, ka vendosur të thyejë heshtjen, duke zbutur entuziazmin: “Nuk është e vërtetë. Ai është një lojtar fantastik, i pabesueshëm, por ne kurrë nuk e kemi konsideruar atë, për të qenë i sinqertë. Ne e dimë se çdo klub do ta pëlqen ta ketë atë, por këto thashetheme për ne janë thjesht të rreme”, tha pronari i klubit parisian për Sky Sport DE.

/GazetaBlic Sport