Kryetari i Prishtinës, Përparim Rama ka njoftuar se sot ka dhënë intervistë për REUTERS, një nga agjencitë më të mëdha të lajmeve në botë.

Përmes një shkrimi në Facebook, Rama tha se kryeqyteti ynë, i ndriçuar dhe plot jetë, u pasqyrua edhe në “Associated Press”, “Canadian Press” dhe mediet tjera prestigjioze botërore.

“Prishtina po cilësohet si një nga destinacionet më të bukura për t’u vizituar këtë fundvit!

Ky është një moment krenarie, ku puna dhe përkushtimi ynë po reflektohen si histori suksesi, frymëzimi dhe një shembull i shkëlqyer në arenën globale”.