Pas ngjarjes së rëndë të ndodhur sonte në Deçan ka reaguar kryetari i AAK-së i cili vjen nga kjo komunë, Ramush Haradinaj, raporton Gazeta Blic.

Ai ka kërkuar nga organet e rendit të zbardhin sa më parë ngjarjen.

Reagimi i plotë:

I trishtuar nga sulmi kriminal që ndodhi në Gllogjan, ku humbën jetën tre persona, prej të cilëve dy nxënës.

Bashkëndjejmë me familjarët e të vrarëve, duke u lutur për durim dhe forcë, në këto momente të rënda për të gjithë ne.

Falënderoj kryetarin Bashkim Ramosaj, Policinë, Prokurorinë dhe ekipet mjekësore emergjente për punën e tyre.

Apeloj që organet e rendit sa më parë, të zbulojnë e të kapin autorin e këtij veprimi të ulët kriminal dhe i njëjti të sjellet para drejtësisë.
RH