Lajme

Ramush Haradinaj: Shefi i kabinetit të kryeministrit, ka tri shtëpi në lagjen Marigona, dy prej tyre flitet se janë të Kurtit

03/27/2020 23:50
nga:Gazeta Blic

Kryetari i AAK-së, Ramush Haradinaj, ka folur në Interaktiv edhe për këshilltarin kryesor të kryeministrit në detyrë, Albin Kurti, që është Luan Dalipi.

Haradinaj tha se Dalipi është një njeri i akuzuar për korrupsion, madje tha se ai ka tri shtëpi në lagjen Marigona, dhe se dy prej tyre janë të Kurtit.

“Zotnia që e ka zgjedh Albin Kurti me qenë shef i kabinetit të tij, Luan Dalipi, jeton në të njëjtën lagje me mua, ai zotni ka tri shtëpi në Marigonë. Dy prej tyre flitet që janë të Albinit edhe të Vetëvendosjes”, u shpreh Haradinaj, derisa u pyet nëse e ka parë Kurtin aty, ai tha, “nuk e di a e kam parë, pyeteni ju”.

“Unë kam parë Luan Dalipin që banon aty, një njëri prej 2 milionë kosovarëve u zgjodh, njeri i akuzuar për korrupsion, me aktgjykim, nuk e di ka marrë dënim apo jo. Dhe flitet në lagje se dy prej tyre janë të Albin Kurtit dhe të Vetëvendosjes, nuk e di për çfarë i shfrytëzojnë por flitet”, tha Haradinaj.

06/02/2020 14:19

“Efekti” Isa Mustafa: Nga 4 deputetë të LDK-së që ishin kundër Qeverisë Hoti, kanë mbetur vetëm 2