Mikrobiologu Lul Raka ngre alarmin për variantin britanik të Covid-19, pasi sipas tij, ka shpejtësi më të madhe të përhapjes. Ndërkohë në Klinikën Infektive shprehin shqetësim për mungesën e laboratorëve për detektimin e varianteve të reja të Covid-19.
Variantet e reja e Covid-19 po rrezikojnë përkeqësimin e mëtejmë të situatës epidemiologjike me koronavirus.
Një ditë me parë, Ministri i Shëndetësisë, Arben Vitia, bëri të ditur se ka rritje të rasteve të infektimeve te variantin britanik.
Mikrobiologu Lul Raka thotë se variantet e reja të Covid-19 duhet të jenë alarm për të gjithë, pasi kanë shpejtësi më të madhe të përhapjes.
“Nëse shpejtësinë e përhapjes e ka deri në 70 për qind më të lartë atëherë kjo do të thotë se një numër shumë i madh i njerëzve mund të infektohen në një periudhë kohore shumë më të shpejtë dhe kjo automatikisht do ta rriste numrin e hospitalizimeve, do ta rriste edhe numrin e vdekjeve. Prandaj këto variante duhet të jenë alarm për të gjithë”, tha Raka për RTV21.
Por cili është efekti i vaksinës tek variantet e reja të koronavirusit.
“Vaksina është element shumë i rëndësishëm edhe në uljen e varianteve të reja sepse ndryshimi është normal te të gjithë virusët sidomos te virusët ku bën pjesë Covid-19”, shpjegoi ai.
LEXO EDHE:
“Masat e reja të ngutshme, Qeveria nuk u koordinua me komunat”
